Тэатар "Пад зорачкай" мае гонар прадставіць
паважанай грамадзе Шпацыр сьферычнага песыка
ў адной дзее
Д з е я 1.
[Занавес марудна жарэ шашель.]
Члвк: Пэсэк, пайшлі гуляць! Пайшлі гуляць.
[Паўза]
Сбк: Абавязкова ўсё паўтараць двойчы?
Члвк: Гуляць, Пэсэк!
Сбк: Рэзультат кантузыі?
Члвк: [нагінаецца зачапіць павадок]
Сбк: [Працягвае ляжаць на баку, абнюхвае руку з выразам надзеі]
Члвк: Што ты мяне нюхаеш, пайшлі на вулку кака рабіць.
Сбк: Я так абнюхваю тых, хто няўзбаве падохне.
Члвк: Пэсэку, трэ выйсьці, трэ справы зрабіць. [Паўза] Ну што, ты пад сябе зробіш?
Сбк: Так.
Члвк: Насрэш зноў на кілімчык?
Сбк: І ўсем раю.
Члвк: Так, я каму сказаў, зараз пайшлі!
[Намагаецца сілком паставіць сабаку. Тая валіцца на бок]
Сбк: Які шпацыр, у мяне параліж, дурань.
Члвк: Ня пойдзеш?
Сбк: Не.
Члвк: [каварна] Ня можаш хадзіць?
Сбк: Ня можу. Ідзі паглядзі ў інтэрнэце, што гэткае параліж.
Члвк: [кладзе на падлогу кавалак агурка]
Сбк: Як ты мяне дастаў! Усё, скончу сабою! [Ускоквае] Наўмысна падаўлюся гэтым агуркам, кат! [Заглынае агурок] Вось табе!
Члвк: Ах за агуркам можаш?
Сбк: Ён праскачыў! Але не праскачыла маё жаданьне пазбавіцца ад тых пакутаў! Дай мне яшчэ агурка, я заб’юся ім! Дай, дай!
Члвк: [кідае кавалак агурка за парог]
Сбк: Ідзі ў дупу. Я памру ў сваім ложку. [Кладзецца на месцы]
Члвк: Я адзін пайду.
Сбк: Нарэшце.
Члвк: [выпіхвае моўчкі сабаку да дзвярэй, чуць гукі, нібы па прыступках скоча баскетбольны мяч]
[Замест занавесу зачыняюцца дзверы]
